HNO₃ formulako azidoa. Likido garden eta horixka da. Azido sendoa, oso korrosiboa eta oxidatzaile bortitza da, eta metalei erasotzen die (urre, zilar eta platinoa kenduta). Industrialki amoniakoaren oxidazioz lortzen da, eta ongarriak, lehergaiak, koloratzaileak eta abar egiteko erabiltzen da. Atmosferako bigarren mailako kutsatzailea da: nitrogeno-oxidoak airean oxidatzen direnean eratzen da, eta, hala, euri azido izenekoa sortzen da.